دليل الشباب في الحقوق والمسئوليات

بسم الله الرحمن الرحيم
حبيت انه يكون العنوان هو دليل الشباب للحقوق والمسؤليات بمعنى انه
للشباب حق وايضاً له مسؤليه ولابد من معرفتها
الكلام اللى انتم حتقروه عباره عن محاضرة حضرتها فى دورة تعليم مدنى وهى عبارة عن
مشاركة الشباب ضرورية فى الحياة الاجتماعية وهى فعلاً الدورة دى اتعلمت منها حجات كتيره
وكانت عبارة عن محاضرات بس حبيت انى اختار محاضرة بتتكلم عن الحقوق الى تكون لكل
شاب عاقل يريد مصلحة بلده ووطنه انا عارف ان الكلام كبير شوية بس مش كبير علينا لأنه يعتمد علينا
أليكم المحاضرة

الحق في المسائلة والمحاسبة

شرع الحق في المسائلة على أساس أن الشعب مصدر
السلطات وهو صاحب السيادة حيث انه يحكم نفسه بنفسه من خلال النواب الذين اختارهم لتولى وظائف مراقبة أو ممارسة السلطات العامة .
أي أن الشعب فوض هؤلاء النواب تولى زمام الأمور وبالتالي ، فان من يعطي التفويض يملك
أن يسحبه ، ويملك محاسبة المفوض عن أخطاءة .
كما تعنى المسائلة قيام المواطنين أفرادا وجماعات
بمتابعة أداء ممثليهم بعد نجاحهم في الانتخابات للتأكد من أنهم يعملون بصدق لتحقيق
وعودهم التي ألزموا أنفسهم بها أمام الناخبين الذين منحوهم ثقتهم واختاروهم لهذه
المناصب لرعاية مصالحهم
للمسائلة والمحاسبة أهمية خاصة تنعكس على المجتمع
والدولة على حد السواء من بينهما :
ü تعتبر المسائلة من أهم الوسائل للحفاظ على مجتمع من الفساد إذ تـُحد من مظاهر الاختلاس
والفساد والمحسوبية ، كما تحول دون التبديد والتبذير في صرف المال العام .
ü ترسخ المسائلة في نفوس المواطنين مفهوم المواطنة والمشاركة في تحم المسئولية .
ü إن وجود المسائلة من شأنه إجبار المسئولين على الالتزام بالقانون والحفاظ على مبدأ
الفص الواضح والمتوازن بين السلطات .

طرق المسائلة :
المسائلة التي يقوم بها المواطنون من خلال أجهزة الإعلام
المختلفة أو المنظمات غير الحكومية أو باللجوء إلى السلطة القضائية .
المسائلة أو الرقابة التي تقوم بها السلطات
القضائية حيث تقوم بمسائلة السلطة التشريعية عن أعمالها وبالتالي فقد تبطل أو
تمتنع عن تنفيذ القوانين التي ترى فيها مخالفة للدستور أو انتهاك للحقوق والحريات الأساسية
. ويتم ذلك من خلال المحكمة الدستورية العليا .
المسائلة التي تقوم بها السلطة التنفيذية من خلال
تنظيم آليات المسائلة والمحاسبة الذاتية لأجهزتها المختلفة وذلك قبل تدخل الأجهزة القضائية
، حيث أنها تفرض الرقابة على مؤسساتها وموظفيها من خلال أجهزة الرقابة الخاصة بكل
وزارة أو مؤسسة حكومية تعرف بهيئات الرقابة العامة التي تتولى مسئولية الرقابة على
عمل الأجهزة الحكومية المختلفة وتقدم تقارير دورية لرئيس السلطة التنفيذية لاتخاذ
الاجرائات اللازمة مسائلة الوزراء وغيرهم من موظفي الحكومة عن أدائهم لوظائفهم
ومحاسبتهم على ما قد يقترفونه من مخالفات .
المسائلة البرلمانية : تتم هذه المسائلة من خلال
السلطة التشريعية حيث تقوم بمسائلة ومراقبة أداء السلطة التنفيذية وذلك من أجل
منعها من ارتكاب التجاوزات او التعسف والاستبداد في استخدام ما لديها من سلطات إذ
أن لديها :
ü الحق في استبعاد الأشخاص المرشحين لتولى مناصب وزارية وذلك إذا لم يحزروا على ثقة أغلبية أعضاء البرلمان
ü الحق في مسائلة ومحاسبة اى وزير أو اى موظف حكومي إذ ثبت مخالفته للقانون آو فقدانه للثقة
الممنوحة له . كما يمكن للبرلمان أن يمارس حقه في حجب الثقة عن احد الوزراء أو حتى
عن لحكومة كلها بالتضامن .
ü الحق في أقرار الموازنة السنوية العامة للدولة والرقابة على التقرير المالي السنوي الذي
يتضمن ما قامت بتنفيذه السلطة التنفيذية من أعمال وفق ما ورد في الخطة السنوية
للحكومة
ü الحق في التحقيق في قضايا الفساد وإهدار المال العام .

ياريت اللى بده يرد على الموضوع يكون تعليق عى الكلام او هل هو استفاد
وممكن يبدأ من جديد ليشارك فى الحياة الاجتماعية ويسئل عن حقوقه ومسؤلياته
ولكم جزيل الشكر

أحمد فيصل

بسم الله ارحمن الرحيم
تكملة لهذا الموضوع فانه من مواصفات القائد الجيد انه يستطيع ان يسيطر
وان يكون محبوباً وموثوقاً به وان يسئل ويتسائل وان يتناقش ويتخذ قراراً
لمصلحة الجميع وهذا ما نفتقده هذه الايام ولاكن لابد من التحرك قدماً لتحقيق ذلك
اما بالنسبة للمحاضرة السابق ذكرها هى حلقة من حلقات برنامج اعداد القادة
وتتضمن باقى المحاضرات الاخري على كيفية تحقيق هذا الكلام
وكيف يتتحقق هذا الكلام ؟
الاجابة على هذا السؤال هو داخل تفكير كل شخص يريد ان يكون قائد لأن كل
شخص له طريقة للوصول الى قلب الناس وان يكتسب الثقة ويستطيع ان يقنع الناس
ولكم قصة صغيره فى نطاق هذا الموضوع ومن خلالها سيتضح كلامي

هناك قطيع من الطيور المهاجرة تطير فى السماء وفجأه وبدون اى مقدمات يصطتموا فى
شبكة صياد فأصبح القطيع مفزوعاً واصبحوا يطيروا فى كل أتجاه ولاكن هناك بين القطيع يكمن
قائد ينتظر ان تتيح له الفرصة لكي يثبت وجوده فأصبح هذا الطائر يقول لباقي الطيور
كيف تريدون ان تتحرروا من هذه الشبكة وكل طائر يتجه فى اتجاه مختلف لابد من توحيد
الاتجاه بمعنى ان كل الطيور يتجهوا فى اتجاه واحد بحيث انه القوة والطاقة كلها بتكون متحملة
فى منطقة واحدة وبذلك نستطيع الفرار من الشبكة وهذا ما حدث تم توحيد الاتجاه وهربت الطيور من
الشبكة وكان للطائر الذي وحد الطيور صديق وهو عباره عن ارنب فذهب اليه الطائر حتى يستعين بقوة أسنانه
لقطع ماتبقى من خيط الشبك فى الطيور فوافق الارنب . وجاء الارنب لكي يقطع الخيط الذي على الطائر
القائد فقال له الطائر لا اقطع الخيط لباقي الطيور ثم أجعلنى انا فى الاخر وهكذا أصبح هذا الطائر قائداً لهذه
المجموعة من الطيور واصبح مرد لهم فى الطريق والعقل المفكره لهم .....

حسناً من خلال هذه القصة من المأكد اننا استفدنا ببعض الاشياء وهى
1- فكرة الطائر القائد فى توحيد باقى الطيور وليس فى نفسه حتى يهرب ويبقى الباقي داخل الشبكة
2- قائد سياسي يحافظ على العلاقات ويطلب مساعدة أصدقائه
3- عدم انانية القائد حيث انتظر حتى فرغ الارنب من تقطيع الخيوط للطيور ثم حرر نفسه ولذلك عبرة وهى ان قطع الارنب الخيط للطائر القائد قبل باقى الطيور فان هذا الارنب إن أجهد فانه لن يكمل القطع
4- وبذلك استطاع كثب الثقة واصبح قائداً بمهعنى الكلمة

معلش اذا كنت طولت عليكوا بس جبيت انى أتكلم معاكوا فى امور تهمنا وللمستقبل لأننا عصب
هذه الامة ونجاح البلد متوقف علينا ولله التوفيق

مشرف عدد الرسائل : 3051 تاريخ التسجيل : 01/11/2009

بجد موضوع مهم جدااااااا ومفيد لينا

وياريت كل شبابنا يفكر بالطريقة دى يمكن نتقدم

ونبقى زى الطيور متحدين فاتجاة واحد

اما بالنسبة للقائد المفروض فى ديمقراطية هنا لشبابنا فانهم يختارو قائدهم

هما بيختارو اللى هما عايزينو.....

بس بيجى اللى مش عايزينو !!!

على ما اظن لو بقى القائد اللى شبابنا اختارو او احنا اخترناة

هنتحمل مسؤلية اختيارنا

لكن يجى قائد مخترناهوش وبردة نتحمل مسؤلية الاختيار دة !!! حاجة مستفزة

حتى لو هنلجأ للمسائلة للقائد دة ..

عشان هو مش عايز مسائلة يبقى مش هيكون فى مسائلة او محدش هيسمع للمسائلة دى

زى ما بيحصل دلوقتى .......

او ممكن يكون القائد كويس بس بيوصل لية ان الناس المتولى القيادة بتاعتهم

تمام ومفيش مشاكل خالص وفظل رعاية سيتك تم الرخاء ومفيش بطالة والتعليم تمام

والحكومة شايفة شغلها على اكمل وجة والكلام دة وطبعا لانة فاكر ان الناس دى تهمها مصلحة البلد

فبيصدق وممكن بكون عارف كل الظروف دى ..

ويخزن الثروة اللى الشعب هورثها فبنوك سويسرا

يعنى المشكلة كلها موجودة فاختيارنا للقائد دة ..

او اختيارهم هما مش هتفرق

بجد موضوع جامد جدا يا فيصل واسفة عالاطالة

ولو فى تكملة لية متابعين معاك

ياريت كل الشباب تكون زيك طموح يبدى رايه
الهدف من الموضوع هو توعية الشباب انه عليه مسئولية
ولازم يقوم بيها ومينفعش تقول لأ اصل كذا مقصر واعيب مش منى
واجب عينا أحنا كشباب اننا نفوووووووووووووق
لمصلحتنا ولبلدنا وان شاء الله انا عندى
كذا فكرة وانا قريب حنزل موضوع عن المواطنة
بش اشوف مين اللى حيرد واشوف هل فى شباب طموح زيك ولا لأ
بس حتى و محدش رد او عقب على الكلام انا حكمل باقى المواضيع
لأنه فى زوار وأكيد بيقروا الموضوع
وانا بشكرك على اهتمامك

طبعا يا فيصل كلامك راااائع جدا ومش محتاج لتعقيب ..
لانه فعلا بهرنى اوى
بس انا هدردش معاك شويه فالكلام اللى انت قولته
شرع الحق في المسائلة على أساس أن الشعب مصدر
السلطات وهو صاحب السيادة حيث انه يحكم نفسه بنفسه من خلال النواب الذين اختارهم لتولى وظائف مراقبة أو ممارسة السلطات العامة .

النوااااب

النواب هما مربط الفرس انا معاك فان الشباب ليهم دور اساسي وهما العصب
بس انا هفترض معاك اننا احسنا الاختيار يعنى اختارنا نائب يمثل الشعب نائب محترم نائب عارف واجباته قبل حقوقه
اول ما النائب يدخل ويبقا بيمثلنا بيبقى تمام اوى ويكون شعله نشاط ويساعد ده ويدى ديه و .. و..
بس اديله فتره كده
ونشوف ايه اللى هيحصل
هنلاقيه نام فالخط وريح ونسي المهام اللى عليه ونسي احنا اساسا اختارناه ليه
طيب وبعدين
احنا هنسكت ؟؟؟؟؟
لا طبعا مش هنسكت وهنطالب بحقوقنا وهنقول وهنصمم وهنجرى ورا احلامنا وورا مصالحنا
طيب ايه النتيجه ؟؟؟؟
هيستجيب لنا مره
التانيه
التالته
وبعديثن ؟؟؟؟؟
هينام فالخط تاااانى وهينسى تانى
واحنا برضه مش هنسكت عشان " ما ضاع حق وراءه مطالب "
مره واتنين وتلاته
بس يا فيصل الوضع كده بيزهق وبيخلينا نفقد الامل
او بمعنى تانى بيخلينا نحس بالانكسار امام المسئول ده
هنعمل ايه ؟؟؟؟؟
هنام فالخط برضه
والكلام ده مش عالنواب وبس
لا
الكلام ده على اغلب المسئولين
طيب
انا هفضفض معاك شويه وهقولك انى بحس بالاسى وخيبه الامل
لما اشوف فالتليفزيون النواب نااااايمين واللى بيقرا واللى بيضحك واللى بيتكلم واللى مش فاهم اللى بيتقال
لا وتعالى بقا لما يتقال " الموافق يتفضل برفع يده "
وقبل ما حد يرفع يقووووول
موافقه !!!!!
ديمقراطيه ديمقراطيه يعنى
طبعا كلنا بنشوف الكلام ده فالتليفزيون وحتى لو فاكرين ايام ما جاوبو صورهم نايمين وحصلت ضجه ساعتها بس زى كل حاجه الموضوع ناااااااام

أي أن الشعب فوض هؤلاء النواب تولى زمام الأمور وبالتالي ، فان من يعطي التفويض يملك
أن يسحبه ، ويملك محاسبة المفوض عن أخطاءة .

هاجى هنا وهقولك مش كل الشعب بيختار
ومش كله بيختار الرجل الصحيح فالمكان الصحيح
حتى لو جم يتحاسبوا مبيتحاسبوش الحساب اللى يستاهلوه ده لو اتحاسبوا اصلاااا .......

الكلام ده مش عالنواب وبسسس
لا
الكلام ده على كل مسئول مقصر فى واجبه

طبعا القصه اللى عرضتها جميله جدا ومغزاها اجمل وهو الاتحاد والتوجه فى اتجاه واااحد
وهى ديه المشكله

اننا مش فاتجاه واحد
ومش عارفه ازاى نبقا فاتجاه واحد
....
وطبعا ممكن واحتمال وجايز ان القائد بتوصله الصوره غلط
زى ما عرض فيلم طباخ الريس
طيب ممكن اسال ليه الصوره بتوصله غلط ؟؟؟؟؟
عشان هو مقسم المهام والمفروض ان كل واحد بيقدمله تقرير عن الاوضاع الموجوده
طب وهو مبيشوفش بنفسه ليه ؟؟؟؟؟؟؟
ممكن يكون مشغول
مشغول بايه وفايه اذا كان هو ده شغله انه يتشغل بشعبه لكن ......
طب اصل احنا كتير ومش معقول انه هيلف على كل واحد فبيته يشوف مطالبه
هقول انا مطلبتش كده لان ده مش فاستطاعه حد بس على الاقل يتابع
المسئولين اللى معينهم ومخليهم مسئولين عنا وعن البلد
يغيرهم كل فتره ويشوف الاحسن والافضل
ينزل ويشوف ويتفرج
صدقنى لو شاف جزء من اللى الناس فيه مش هينام الليل
"وكل راع مسئول عن رعيته "

انا مبعفيش الشباب اللى انا وانت وهى وهو منهم من دورهم وواجبهم
لان زى ما انت قولت مينفعش انى اقول لآ اصل كذا مقصر والعيب مش منى
بس انا كلامى ده
رأيي
ورؤيتى للوضع

واتمنى انه ميزعجش حد
واسفه جدااااا عالاطاله

وطبعا مشكوووور ومتميز ديما بمواضيعك وارائك
جزاك الله خيرا ووفقك دائما الى الافضل والى ما يحبه ويرضاه

مشرف عدد الرسائل : 3051 تاريخ التسجيل : 01/11/2009

بجد يا هند معاكى حق فاللى قولتية

بس اقولك على حاجة ومتقوليش لحد فموضوع النواب دة

تعرفى ان معظم او كل النواب الموجودين بيترشحو ازاى؟؟؟؟؟

بجد الطريقة دى حصلت عندنا هنا واستفزتنى جدااااااااا وفرحت ان النائب دة خسر لما دخل مرة تانية

مع انة ....!

اصلهم بيرشحوهم ان دة فقبيلة كذة او من عيلة كذة فعيلتة حتى لو مش طايقاة هترشحة

طب مانتو عارفين اصلا انة مش هيقدملكو خدمات وياريت ينام فالخط زى ما بتقولى اسمة تعب من المشوار وبيريح

فمن الطبييى اصلا انة مش هيقدم خدمات وهينام وهيتكلم والجلسة شغالة

لانة داخل يا ياخد حصانة عشان يدارى وراها بلاوية الزرقة ومحدش يقولو انت بتعمل اية لانة فى وسطات..

يا اما داخل بقى شهرة ...

عارفين المشكلة فاية وبجد لو قدرنا نحلها هتتحل كل حاجة

ان حبنا للبلد دى مش ظاهر جوة الزحمة اللى موجودة عندنا

لكن لو ظهر الحب دة بجد وقتها هنقدر نرشح الى يمثلنا ويقودنا بصورة سليمة ويبقى سفير عننا

حتى لو كان القائد دة واقف قدام ناس قريبة لينا جداااااا

وقتها القرابة والمحسوبية مش هتظهر بسبب حبنا للبلد دى

ويااااااة لو يدو فرصة للشباب بجد انهم يدخلو البرلمان لانهم هيكونو عايشين مشاكل الشباب دى

بس حتى لو جت الفرصة دى هيقلولك مينفعش ازاى ترشح نفسك قدام كبيرك

طب اهو من اسمة كبييييييييييييييير

هيحس ازاى بالمشاكل

بمشاكل الشباب اللى المفروض انهم قلب الامة

يبقى هيمثلنا ازاى؟؟!!!!

انا معاكى اننا لو اتكلمنا عن النواب مش هنخلص وغير النواب كمان
انا عايزه اقول ان العيب او المشكله مش فحاجه واحده او فحاجه فحد ذاتها
يعنى مثلا زى ما انتى قولتى ان كل عيله بتختار واحد ويساندوه حتى لو عارفين انه مش هيقدر يعمل حاجه او بمعنى اصح مش هيبقا عايز يعمل حاجه لانه داخل لغرض شخصي داخل عشان نفسه والعيله بتنتخبه وهما اصلا مش طايقينه وده انا برضه حضرته بس فانتخابات مجلش الشورى
المشكله كمان اننا معندناش النقطه اللى جايه ديه واللى قالها فيصل من الاشياء المستفاده من القصه

فكرة الطائر القائد فى توحيد باقى الطيور وليس فى نفسه حتى يهرب ويبقى الباقي داخل الشبكة
بكل اسف مش موجوده عندنا

............

اما لو هنتكلم على ان حبنا لبلدنا تايه ومش ظاهر فوسط الزحمه
فهقولك حاجه صغيره اوى
ان ايام السادات رحمه الله وغفر له
كان فى ناس مبتحبش البلد اصلا وخاينه وكان فى ناس حبها مش ظاهر زى ما بتقولى
وكان ..... وكان ......
بس مع ذلك كان قائد بمعنى الكلمه كان بيسايس الامور كان ... وكان ...

وكمان المشكله برضه موجوده فالجبروت والعنوه
احنا فبلد الكبير بيدهس الصغير وكأنه حشره
ونسي ان الصغير ده ليه رب راح ياخدله حقه فيوووووم
........................
الكلام جوايا كتير اوى بس مش عايزه ادوشكم
جزاكم الله خيرا

مشرف عدد الرسائل : 3051 تاريخ التسجيل : 01/11/2009

وبسبب الكرة السادات كان مصيرة اية ...............

مصيره انه مات شهيد
مصيره ان فى الاف بيترحموا عليه وبيذكروا محاسنه
مصيره انه مات قوى وصلب ومحبوب
مصيره ان اللى عاش فظل حكمه بيضرب بيه المثل واللى ما عاش بيتمنى انه كان يعيش ايامه
يعنى
مصيره زى مصير اى حد مخلص محب لبلده .....

اه
هم اغتالوه
ومات

بس الكل هيموت سواء كان راع او رعيه

بس الشاطر

هو اللى يقوم بدوره تمام حتى ولو كانت نهايته ............

" انا مبتعنتش لرايي بس حابه انى اوضحه واعبر عنه ففرصه نقاش جميله زى ديه "

مشرف عدد الرسائل : 3051 تاريخ التسجيل : 01/11/2009

فاهمة قصدك والله بس لما قولت السادات كان مصير اية ؟؟

قصدى ان الحاجة الكويسة فالبلد دى كلة بيجى ضدها

مش عشان البلد دى كلنا عارفين ان دى سياسة خارجية

وعلى فكرة الفرق بين السادات وبين اللى دلوقتى

ان السادات مخفش من التهديدات ولا المواجهات اللى شافها

لكن الاتنين والله عندهم الانتماء للبلد دى

بس الخووووووف ان يكون المصير نفس مصير السادات

وارجع واقول ان لو ظهرت نقطة الحب والانتماء للبلد دى

مش هيبقى فى لا خوف ولا محسوبية لحد حتى لو كانت......ل كلنا عارفينها

وطبعا احترم رايك جداااااااااااااا

ان الكل هيموت بس اللى يقوم بدورة تمام.....

والناس تجيب سيرتة بالخير دايما وتتمنى نها عاشت فزمنة

ولو كل مسئول خد وااحد بس من الصحابة فالقيادة هتتغير احوالنا

ولية من الصحابة ما نبقى طماعين شوية وناخد حبيبنا صلى الله علية وسلم

وياااااااااارب ننام فبيتنا النهاردة

ههههههههههههههههههه

هههههههههههههههههه
ان شاء الله هننام فبيتنا امال هنام فين يعنى
ههههههههههههههههه
وانا طبعا موافقاكى فكل كلامك وارائك
لان كل كلامنا واحد بيوصلنا لنهايه واحده
بس اتمنى ان كلامنا ده يغير شئ

وكفااااايه كلام فالتوبيك ده
عشان شكلنا هنبات بره النهارده

[center]هههههه
طب خدوني معاكوا كدا تسيبوني لوحدي

اما بالنسبة للتوبيك :
التوبيك جميل وطبعا مجهود مشكور عليه فيصل جزاك الله خير
بس انا شايفة انك رامي كل الحمل علي الشباب لكن معظم الشباب مش لاقي اي فرصة حتي انه يبين رأيه حتي لو كان صح .
والمشكلة بردة في الناس اللي متحكمة في البلد ذي النواب النايمين تحت قبة البرلمان وباقي الشعب والناس اللي تحت مستوي الفقر واطفال الشوارع واطفال المقابر و.........وغيرهم كتييييير اللي مش لاقي مكان ينام فيه.
طبعا انا مش بقول ان الناس كلها مش كويسة بس المشكلة ان اللي مش كويس بقي اكتر من الكويس لدرجة ان الناس مش قادرة تميز بين الكويس من الوحش .
البلد دي هاتبقي افضل ان شاء الله لو الناس اللس كويسه خدت فرصة تثبت بيها حبها للبلد دي .

وياااارب الشباب يكون عندهم وعي باللي بيحصل يمكن حد منهم يمسك منصب في المستقبل يقدر يخدم بيه بلدة ويساعدها ذي ما هي بتساعدنا .
اما بالنسبه للسدات فهو اكيد حي بينا لانه خدم البلد دي وفداها بدمه

معلش طولت بس دة رأي
تقبل مروري[/center]

دليل الشباب في الحقوق والمسئوليات 1262218256

دليل الشباب في الحقوق والمسئوليات 1262218256

بشكر الردود وصحاب الردود علىالمشاركة الجامدة دي
وحابب قوي النقاش وطريقة النقاش بين سارة وميرامار
بس تعقيباً على الكلام اللى دار بين سارة وميري انه
البلد فى الاصل متوقفة على دووور الشباب وبالنسبة لكلام
أحباب النبي انى محمل الشباب المسئولية ايوة
لأنهم عصب الامة ليه دلوقتي بنشوف اللى بيرشح نفسه لمجلس الشعب
كلهم رجالة كبار فى السن وبيقولوا اللى اكبر منك بيوم اعلم منك بسنة
صح ولا انا غلطان يعنى لما جمال عبد الناصر وانور السادات كانوا مسكين البلد
كانوا شباب وسن الشباب بيفضل لل 55 سنة عشان تبقى عارفة وغير كده الشباب
ليهم دماغ أحدث واطور من كبار السن زي حسني مبارك لما استثمر
الطيارات اللى عنده واللى كانت غير حربية وخالها حربية وفكرة
هدم خط بارليف كانت جايه من جندى شاب وليس قائد لواء
لو حفضل اكلم على الشباب مشا حخلص بس دلوقتى الكبار عملوا ايه
أخدين المناصب دي لقب فقط يعن عشان الناس تقول انه نائب مجلس شعب
ولا وزير ولا ولا ولا او زي ماقالت سارة العيلة وعينت واحد وهكذا
القصد من الكلام ده هو توعية الشباب للحقوق والمسئوليات اللى عليه

لازم احنا كشباب ننمى روح المشاركة فى نفسنا بمعنى ان معظم الشباب
هذه الايام هى عبارة عن شباب فانكى على راي محمد هنيدي شباب بتاع مامي وبابي
بيفطرو ويتعشوا زبادي وبعدين يقولوا اصل مفيش فرص عمل ليه عشان انت
سمحت لنفسك انك تختار شخص او ترشح شخص غير مؤهل انه يكون قائد
انا عندى النواب قواد وانا عمري مرشح نائب معرفوش عشان مقعدش الوم نفسي
فى نفس الوقت لازم الشباب تنزل الشارع وتعايش الموقف وتعرف بأمور الاحزاب السياسية
واحياة الاجتماعية والمشاركة والتوعية وانا عامل الموضوع ده كنوع من انواع التوعية
بس للأسف مش شايف ولاد بيردوا ودى هى المشكلة يارب ان المعلومة تكون وصلت
ولازم الشباب تكون عندها وعى تام وبشكركم كمان مرة على الاهتمام

فين مشاركة الولاد انا حابب انهم يشاركوا معانا عشان نعرف
رأيهم ووجهة نظرهم لو الكلام بتاعى مش عاجب الولاد
ياريت يقروه بس . ولاكن يفعلوووووووووه

بسم الله الرحمن الرحيم
تكملة على هذا الكلام ننتقل من مرحلة الحقوق والمسئوليات الى اهم شئ فى حياتنا
وهي المواطنة ومن اجمل المحاضرات اللى حضرتها هى المواطنة فمن وجهة نظرك ماهى
المواطنة ، المواطنة هى كلمة كبيرة جداً تنم عن مدى حبك لوطنك وهل انت شخص
فعال ام لا وهل تسكت على الفساد الموجود ام لا والمقصود بالفساد هنا ليس فساد الحكومة او
غير ذلك بل هو فساد البيئة من حولك فقب ان تلقى اللوم على الغير ابدأ بنفسك اولاً ثم انتقل الى
الفساد الاكبر فأكبر فكما قت مسبقاً لكي نحيى حياة طيبة آمنة صحيحة هو ان كل شخص يحترم ذاته
ويحترم النعم التى انعمها الله عليه وان يجعل من بيته قصراً ومن مدينته جنة ومن بلده ملازاً
لك ما حلل الله وحتى نصل الى هذه لدرجة لابد من البدء بالنفس او بالذات وان أفهم معنى كلمة المواطنة
وقبل ان اتكلم عن المواطنة سأحكي لكم موضوع واضع اسئلة واريد ان اري رأي اعضاء المنتدى

سعيد يبحث عن مكان يعيش فيه
جاء سعيد الى كوكب الارض قادماً من كوكب أخر وكانت أولى مهامه أن يبحث عن مكان يبني به
بيتاً ليعيش به . وفى هذا الاطار فكر سعيد فى ان يطلب مساعدة من اصحاب الخبرة من سكان الارض
لكي يتمكن من اختيار أنسب مكان يعيش فيه وعلى هذا أعلن سعيد فى القنوات الفضائية وعلى شبكة المعلومات
الدولية عن هذا الطلب وكان نص الاعلان كما يلي :-

أريد مساعدتكم يا أهل الارض :
أريد ان اعيش على كوكب الارض واتمنى منكم ان تساعدونى فى تحديد شكل ومواصفات هذا المكان
الذي أجد فيه السعادة ، أعطيه ويعطيني ، واقضي فيه بقية عمري ، لذا أود منكم الاجابة على الاسئلة التاليه :
1- ماهي مواصفات هذا المكان ؟
2- من هم سكان هذا المكان ؟
3- ماهي مبادئ الاسسية التى تحكم هذا المكان ؟
4- كيف يحكم هذا المكان ؟

هذه هي الاسئلة وانا جاوبت على الاسئلة دي قبل كده بس عاوز اشوف راي الاعضاء
لأن من خلالها ممكن نوصل مع بعض على معنى المواطنة
ولكم منى جزيل الشكر

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
نقفل الموضوع على كده مواطنة ايه وكلام ايه
يعم نفض ههههههههههههههههههه
لا حول ولا قوة الا بالله العلى العظيم

ههههههههههههههه
لا طبعا يا فيصل متقفلهوش ولا حاجه
بالعكس
كمل فيه

بس ياريت لما يبقى فى جزء جديد تبقى تغير فالعنوان
عشان نعرف

اما بالنسبه للاسئله الموجوده
فانا مش عارفه انت عايز الاجابات المظبوطه ليها
يعنى المعنى العام ليها
ولا عايز اجابات كل واحد زى ما هو شايفها

وطبعااا مشكووور

لا شكر على واجب
وبالنسبة للأجابه فمن وجهة نظرك طبعاً

مشرف عدد الرسائل : 3051 تاريخ التسجيل : 01/11/2009

كلام مفيد جدا يا فيصل

وفعلا (إن الله لا يغير ما بقوم حتى يغيرو ما بأنفسهم)

يعنى لو كل واحد بدأ من البيت وبعدين الشارع بتاعة وبعدين المدينة وبعدين المحافظة يبقى كدة هنقدر نغير

سلبيات كتييرة موجود عندنا يعنى ممكن يكون حد كويس موجود فمجتمع سلبى او مش فعال

بس مع الاسف الحاجة الكويسة الموجودة عندة مش هتظهر بس وجودة فمجتمع زى ممكن تخفى الايجابيات اللى جواة

زى مجتمعنا هنا ......

بالنسبة للاسئلة على فكرة صعبة لاننا لو عايزين نوصف حال الارض لحد مش عايش عليها

يبقى هيغير راية ويشوف كوكب تانى

بس هو وجد السعادة فية ازاى؟؟!!!

لا مش هعرف اجاوب على الاسئلة لان الكلام اللى بيتقال عن المواطنة او اجابات الاسئلة دى

ممكن نقول عليها كلام كتب وممكن اقولو بس هو بجد مش حقيقى

جزاك الله كل خير ومنتظرين باقى الموضوع

ويااااااااريت الشباب والاعضاء يتفاعلو شوية فموضوع مهم زى دة

وخصوصا ان معظمنا طلبة كليات وبعدين تقريبا المكان الوحيد اللى تعرفو تقولو رايكو فية...

احسن بعد شوية المكان دة متعرفوش تقولو رايكو زى اماكن كتيرة غيرة ملناش اى راى فيها او بيبقى راى عالورق بس

وبيترمى فدرج المكتب ومحدش بيشوفو واسمها اية ... ديمقراطييييييييييييييييييييييييية

السلام عليكم
فالبدايه بس عايزه اقولك يا فيصل متضايقش ان مفيش حد بيتفاعل مع موضوع مهم وبيخصنا زى ده
اكيد ان كل واحد عنده راى ووجهه نظر
بس فى ناس بتحتفظ برايها لنفسها بس بتستفيد من كلامك
وبتتابعه

اما بالنسبه للاسئله اللى انت حاططها فانا بصراحه احترت معاها وعشان كده مكنتش عارفه ارد عالتوبيك

فعلا صعبه وحسيت قدامها بالتوهان
مع ان اول ما تبص للاسئله تحس انها سهله
بس انت طلبت اجابه كل واحد حسب وجهه نظره وزى ما هو شايفها وعشان كده صعبه
طبعا الاجابات المظبوطه للاسئله ديه تخليه فعلا يطلب انه يعيش على كوكب الارض
بس بالنسبه لوجهه نظرى فالاجابات سيئه جدااااااااااا

يعنى بالنسبه لمواصفات المكان بالنسبالى فهو عباره عن غابه
القوى هو المنتصر فالنهايه وفالغالب مبيكونش صاحب حق ....
اما سكان المكان فهما البشر بس بشر من نوع وطراز تانى ....
المبادئ اللى بتحكم المكان
النفوذ والقوه والرشوه والمحسوبيه و ......

كيف يحكم هذا المكان
فهقولك البقاء للاقوى

يعنى غلطااااااااان انه اختار الارض عشان يعيش عليها

" بصراحه هو ده رايي بس يمكن يكون محبط ومتشائم وغلط
ويمكن تكون حالتى النفسيه هى المتحكمه فالاجابات وخلتها بالصوره ديه
كنت اتمنى اقول اجابات افضل من كده لاننا بنتكلم عالارض اللى عايشين عليها
ويمكن تكون هى فعلا حلوه وتستاهل انه يختارها يعيش عليها
بس انا اللى شايفاها وحشه
لانى جاوبتها باحساسي مش بعقلي
والله منا عارفه
يعنى بيتهيئلي انى لو كنت جاوبت فوقت تانى كانت اجاباتى هتختلف كتير
لا
بصراحه مش عاااارفه"

بس انا عايزه اعرف اجاباتك انت عالاسئله
مش اجابات الكتب او اللى اتعلمته
يعنى مش عايزه اجابات علميه
مش عايزاك تقول مجرد كلام نتفائل بيه
لا

عايزه كلام احمد فيصل البنى ادم ورأيه...

بسم الله الرحمن الرحيم
أولاً بحب اشكر الشباب الطموح جداً واللى عاوز يبقى حاجة فى بلد
عاوزه الحاجة دي تتفعل وطبعاً مع احترامي لباقي الاعضاء لكننى ارى
الطموح وروح القائد فى سارة وميرامار ودي مش مجامله وأكيد عشان
مشه بس اللي ردوا واتناقشوا فى موضوع زي ده لا انا حكمت من خلال
بعض الاحداث والردود منهم وبشكرهم كمان مرة
بس حابب انى اوضوح حاجة انه اللى مضايقنى مش اللى مردش على الموضوع
لا اللى مضايقنى انه محدش حاطط او محدش مهتم بحجات زي كده طيب انا
بقول لكل الشباب والولاد الرجالة اللى حيتوظفوا ان شاء الله حتندم على
كل معلومة ضيعتها او معرفتهاش عن الحقوق والمسئوليات وتقولوا بكره فلان ...... قال

نرجع للموضوع ، القصد من القصه انه مثال بسيط لقائد عاوز يبني بلده من جديد طيب
ايه المطلوب عشان يعمل البلد دي ودي بحد زاتها بوضوح المواطنة وبتقيس درجة
حب الناس للبلد اللى عاش فيها يعني لما طلبت من الاعضاء انهم يجاوبوا على الاسئلة
كنت عاوز اعرف مواصفات البلد اللى انت او انتى عاوزه تعيشي فيها وعشان الضيف
اللى جاي من برده يعجب بيها ولكم الاجابه اللى كتبتها فى المعسكر من وجهة نظري
ومش من وجهة نظر الكتب واللى بتمنى من الله ان تكون بلدنا هكذا

1- ماهي مواصفات هذا المكان ؟
بيئه نظيفة جميله مقسمة الى عدة اقسام كل قسم له دور الخاص
2- من هم سكان هذا المكان ؟
سكان البلد هم اناس عاشو وماتوا متحابين متفاهمين الكل يحترم الاخر والكل يحترم البيئه التى يعيش بها
3-
ماهي مبادئ الاساسية التى تحكم هذا المكان ؟
المبادئ الاساسية التى تحكم هذا المكان هو العدل والخير وتنفيذ القوانين الاسلامية واتباع نهج الاسلام
من حيث الطهاره واحترام ممتلاكاتي وممتلكات الغير وغير ذلك
4- كيف يحكم هذا المكان ؟
يحكم هذا المكان حكم عادل لا فرق بين قوي ولا ضعيف ولا غني ولا فقير الكل سواسية
الدفاع عن المظلوم ومحاكمة الظالم تحسين كل وسائل الاعلام لأنها تعتبر أحد المميزات
التى توصل حضارتنا وثقافتنا الى الغير وليش فضائحنا

وهكذا تكون بلدنا دائمة عامرة وحيكون الشباب كله وطني ومحب لبلده
ومش كده وبس وحتكون الكوادر الشبابية هي المسيطرة على البلد بأفكار
وتطورات نموزجية ونكون العالم الاول وليس العالم الثاث

مشكورررررررررررررررررررررررر يا فيصل
وياريت تكمل الجلسات دي علشان
هي فعلا مفيده جدا وانا (اعوذ بالله من كلمه انا)
غيرت مفاهيم كتيره عندي
وبرضه الكل يستفاد
وجزاك الله كل الخير

» |• وزير الشباب والرياضة يوافق على تشغيل معسكر الشباب بالعريش|29|5|2012
» دليل مسلسلات رمضان .. اوعى يفوتك
» شفت الشباب الهايف
» كلام الشباب فى الحب
» ليه الشباب بيمشو ورا البنات